自開學之後因太忙而冇好好打理呢度...前兩個posts勁頹...
武裝錬金應該算係我最期待嘅新番，而佢亦冇令我失望~
相信錬金術對大家不算陌生，鋼錬嘅成功令大家將「等價交換」、「賢者之石」掛係口邊，但佢嘅人氣間接obscure咗另一套以錬金術為題材嘅漫畫--武裝錬金。其實武裝錬金故事性一啲都唔差，和月伸宏嘅畫功亦不容置疑，但礙於題材同鋼鍊相近反而較少人注意，最後草草完結（可見Jump非常現實）。去Jump Shop 只見襟章就知道武裝錬金人氣有幾「高」（我買咗勝紀個襟章~）。
話明武裝錬金，動畫當然以打鬥為主（不過精彩程度仍不及浪客劍心），再輔以一啲Q版場面去平衡血腥暴力嘅情節。
主角武藤勝紀由福山澗配音，個人認為製作部果然冇楝錯人！可能聽完福山配河野亨後覺得佢把聲有啲 gag！語帶輕浮嘅主角聲同勝紀非常夾...勝紀雖然係打鬥時勇猛過人，不過平時傻頭傻腦，過於魯莽，仲有啲自戀添~！
女主角津村斗貴子係我睇過嘅動漫之中最喜歡嘅女角色之一。一開始以強勢姿態出場，比勝紀更加帥氣，後來仲有份訓練佢，可算係佢師傅la~不過斗貴子逞強背後隱藏住温柔一面，係個外剛內柔嘅女生~ 最難忘係第六冊漫畫裏面斗貴子阻止勝紀暴走嘅一幕~
勝紀見到有隻怪物跟住斗貴子（其實斗貴子佢扮到毫無防備去引已田出黎），結果為「救」斗貴子而被已田直截了當殺死咗。勝紀無意義地犧牲咗自己條命= =...斗貴子用剛回收嘅核鐵代替勝紀個心臟，報答佢「救命之恩」。
一啲勝紀gag圖... 
勝紀雖然記起斗貴子講有關核鐵嘅嘢，但未能發動自身嘅武裝鍊金，結果都係被斗貴子救番...聽到斗貴子話欣賞佢，勝紀即刻面紅咗~ 
不想連累勝紀嘅斗貴子拒絕勝紀嘅幫忙...（櫻花飄逸嘅場面為斗貴子曾添幾分温柔？）
勝紀見到有隻怪物跟住斗貴子（其實斗貴子佢扮到毫無防備去引已田出黎），結果為「救」斗貴子而被已田直截了當殺死咗。勝紀無意義地犧牲咗自己條命= =...斗貴子用剛回收嘅核鐵代替勝紀個心臟，報答佢「救命之恩」。
一啲勝紀gag圖... 
勝紀雖然記起斗貴子講有關核鐵嘅嘢，但未能發動自身嘅武裝鍊金，結果都係被斗貴子救番...聽到斗貴子話欣賞佢，勝紀即刻面紅咗~ 
不想連累勝紀嘅斗貴子拒絕勝紀嘅幫忙...（櫻花飄逸嘅場面為斗貴子曾添幾分温柔？）
斗貴子係就係幾勁，不過要同時應付大量敵人就顯得有啲吃力...勝紀利用核鐵嘅力量變出「日光之心」（我冇記錯名掛？）。最後雖然打敗敵人，但樣衰地撞咗埋牆:P
沒有留言:
發佈留言