看『愛を歌うより俺に溺れろ!』後感

老實講，本人唔睇開呢類漫畫，不過CD drama嘅cast實在太豪華la，差唔多全部聲優我都鐘意（cast係投票投出黎，絕對有質素保證！）~~於是走咗去睇漫畫...

漫畫：http://photo.163.com/photos/ellen0405/

故事大概講聖野薔薇女子學園嘅「王子」櫻坂水樹係樂團「藍色薔薇」嘅結他手，樂團主音離去後，男海山高校嘅「公主」白石秋羅自薦加入，由於秋羅樣貌似女生，所以冇俾人發現佢係男扮女裝...秋羅嘅加入其實另有目的--原來佢好鐘意水樹...後來二人發展成情侶，但係麻煩就不斷揾上門...

Cast:

白石秋羅　：保志總一朗
櫻坂水樹　：齋賀みつき
二階堂蘭　：石田彰
鬼龍院留依：樱井孝宏　
堂島美咲　：朴璐美
沖田愛　　：甲斐田ゆき

白石秋羅（男子校「公主」）

第一眼見到秋羅覺得佢有d似キラ~~~不愧係適合保志配嘅角色~~~好似係大比數贏咗投票~! 講開保志，呢個係佢第幾個女性化／柔弱型男生角色ar？？？遙久系列嘅永泉、泉水同敦盛、カミユ、純等都係一d較柔弱嘅角色，而花月同杉野嘅外型就似女生…保志配呢類角色太深入民心la~

秋羅外表可愛，連學生會長蘭同副會長留依都拜倒係佢嘅「石榴裙」之下= =…其實學校隔離就係女校，駛乜揾秋羅ar…不過呢，千祈唔好俾秋羅嘅外表呃到，其實佢內裏非常有「男子氣慨」，而且一d都唔好蝦~ 佢發嬲個時進入「黑秋羅狀態」，得罪佢嘅人一定冇好下場…

原本覺得呢個角色都唔錯（「黑秋羅狀態」嘅秋羅都幾型），不過越睇越唔順眼…因為佢太有問題la！雖然堂島前輩傷害咗水樹，但佢就以其人之道還治其人之身，招數仲更加狠毒！…為咗請留院幫佢，竟然同佢講「我就任由你處置」之類嘅說話…留院為咗秋羅梗係mud都肯做la，最弊秋羅永遠都唔遵守諾言呢（畢竟秋羅係正常嘅男生黎:P）…呢d傷害他人同埋利用朋友嘅人實在太差！

其實秋羅唯一好嘅地方係佢對水樹專一（個人認為有d過咗火），有乜事都會保護佢…不過有一次佢幫水樹改變形象之後又唔鐘意其他人話水樹靚，獨佔欲都幾強= =…
秋羅應該主要有三種聲﹕以女生形象示人嘅聲音、普通男生嘅聲音（同水樹講野會再温柔d）and發嬲嘅聲音，相信保志好容易會handle到~~~ 期待~~~

櫻坂水樹（女子校「王子」）

外表似男生嘅水樹令我諗起Wolfram~~~ 兩人嘅聲優都係齋賀小姐~~~ 髮型同髮色都好近似~~ 齋賀小姐主要配男角色，今次配女角感覺新鮮~ 之前同保志合作有閃靈嘅Makubex（保志為花月，2人係四天王）、MAR 魔法世界嘅Phantom（保志為Alviss，2人係死敵）同埋植木的法則等等…男女主角係第一次~~~

其實水樹算係漫畫中正常嘅人，雖然作男性打扮但內心都好女性化，見到秋羅受歡迎都會呷醋…同秋羅非常登對—of course係當秋羅係女生而水樹係男生la~

二階堂蘭（學生會長）

眼鏡斯文男—不愧係適合石田配嘅角色（同埋Nestea喜歡gei type~:P）~~~ 雖然出身於警察家庭，但蘭都唔多正人君子…不但喜歡秋羅，又對水樹有意思…唔通佢男女都啱？本人唔多鐘意佢…對水樹圖謀不軌嘅人太差la~！點做學生會長ga？

鬼龍院留依（學生副會長）

雖然同蘭一樣喜歡秋羅，但家庭背景截然不同，出身於黑社會家庭嘅留依好聽秋羅吩附，悲哀…櫻井ma，唔算太鐘意，因為佢成日搶sai d主角做:P

堂島美咲
勁憎佢！佢變態ga！至朴璐美ma…比起她粗聲粗氣嘅男聲，我更喜歡齋賀小姐細膩嘅聲音:P

沖田愛（藍色薔薇樂手）

好耐冇聽甲斐田小姐把聲la~ 期待