不嬲淨係追柯南漫畫，好少睇動畫（成五百幾集wor~）不過見有保志配先睇...以為保志配新角色la，原來配番409，410嘅角色--伊東玉之助~玉之助再次登場，就証明佢受歡迎la~玉之助雖然得17歲，但已經係著名劇團團長...繼上次上演輝夜姬之後，今次上演日本版Phantom of the Opera--「こんぴら座の怪人」，玉之助飾演怪人，但係佢「女朋友」れんげ今次冇做女主角...
れんげ個青梅竹馬羅臼出場（由速水獎配音），擺到明同玉之助爭れんげ...今次套劇個女主角係ロミ，由皆川純子配音（網王龍馬嘅配音，但完全聽唔出~！） 劇中同怪人爭女主角係河竹先生，由綠川光客串，可惜對白比較少...
話明玉之助扮怪人，梗係有面具la~點知做戲期間突然出現「怪人」，ロミ仲突然失聲~！
呢個怪人曾經寫信威脅玉之助換れんげ做女主角...結果玉之助決定由れんげ頂上，れんげ換衫個時仲聽到神祕聲音鼓勵佢！
第二日，負責道具個人死咗，而玉之助就被發現係凶案現場，著住「怪人」件衫，仲手握凶器tim~
件事點發展就唔多講，最後れんげ一句想一直同團長做戲，表明咗佢對玉之助嘅心意la...之後羅臼知難而退，同玉之助握手:P而由玉之助同れんげ合演嘅「こんぴら座の怪人」就非常成功~！覺得古裝版嘅玉之助好睇d^ ^
今次screen cap竟然一張柯南都冇...究竟係柯南冇mud特別表現，定話保志吸引力太大？:P
仲有，片尾介紹柯南真人版嘅演員...Death Note真人版都ok嚇人同令人失望（藤原龍也完全冇月嘅氣質！）今次由小栗旬做工藤新一（今次冇柯南）...其實小栗旬個樣都唔差，但又係冇新一gei氣質lor...仲要係青山剛昌推薦tim= =...冇mud期望...10月2號日本時間21時～22時48分有得睇...
真人drama網站﹕http://www.ytv.co.jp/conan_drama/index_set.html
新一完全唔dim...眼肚超大個樣又頹...點解唔揾速水直道（話sai佢型好多wor...)？
沒有留言:
發佈留言